(რეზონანსი) გორში, სასტიკ მკვლელობაში ბრალდებული პირი ერთ-ერთ ქუჩაზე მდებარე კორპუსის მე-9 სართულზე ცხოვრობდა. პიროვნების იდენტიფიკაციის შემდეგ, ინფორმაცია მეზობლებისთვის თავზარდამცემი აღმოჩნდა.

მე-9 სართულზე დედა და შვილი ქირით ცხოვრობდნენ. სამოქალაქო აქტივისტი არინა თავაქარაშვილი ამბობს, რომ წარმოუდგენელია, როცა აღმოაჩენ, რომ ამ საქმეზე პოლიცია კარის მეზობელს აკავებს:

,,მე მხოლოდ მისალმებით ვიცნობდი ამ ოჯახს. დილით გავდივარ სამსახურში და საღამოს ვბრუნდები." - ამბობს არინა თავაქარაშვილი.

დაკავებულის დედა რუსთავი 2-თან საუბარში აცხადებს, რომ მისი შვილი უდანაშაულოა. სახაზინო ადვოკატის განცხადებით, დაკავებული დუმილის უფლებას იყენებს.