(რეზონანსი) ექვსმა საპრეზიდენტო კანდიდატმა მთლიანობაში 4 226 120 ლარის ოდენობის შემოწირულება მოიზიდეს, საიდანაც 99% ფიზიკური პირების მიერ გაღებული თანხაა, - ამის შესახებ საერთაშორისო გამჭვირვალობა საქართველოს შუალედურ ანგარიშშია ნათქვამი.

შემოწირულებების უდიდესი ნაწილი 3 105 011 ლარი (73%) სალომე ზურაბიშვილმა მიიღო, შემდეგ მოდის გრიგოლ ვაშაძე 583 820 ლარით, დავით ბაქრაძე - 516 404 ლარით, დავით უსუფაშვილი - 13 290 ლარით, კახა კუკავა - 6 596 ლარით და შალვა ნათელაშვილი - 1 000 ლარით.

"ამ მონაცემებით ჩანს, რომ ზურაბიშვილის მიერ მიღებული შემოწირულებები დაახლოებით ხუთჯერ აღემატება გრიგოლ ვაშაძის და ორნახევარჯერ - ხუთივე ოპოზიციური კანდიდატის ერთად აღებულ შემოწირულებებს." ნათქვამი გამჭვირვალობის ანგარიშში.