(რეზონანსი) თეა წულუკიანს ვურჩევდი, სჯობს, 7 ნოემბერი არასამთავრობო ორგანიზაციების ნაცვლად იმ კოლეგებს გაახსენოს, ვინც გვერდით უზის, ისინიც იყვნენ 7 ნოემბერში გახვეული, - ამის შესახებ განცხადება "პატრიოტთა ალიანსის" წევრმა დავით ჭიჭინაძემ გააკეთა.

"არასამთავრობო ორგანიზაციები ხან გაგაკრიტიკებს, ხან არ გაგაკრიტიკებს. ბოლო პერიოდში კი ჩვენი ხელისუფლება საკმაოდ დიდ კრიტიკას იმსახურებს", - დასძინა დავით ჭიჭინაძემ.

იუსტიციის მინისტრმა კოპენჰაგენის საერთაშორისო ანტიკორუფციულ კონფერენციაზე, „საერთაშორისო გამჭვირვალობა - საქართველოს" აღმასრულებელი დირექტორი ეკა გიგაური 7 ნოემბრის აქციის დაშლაში „საკუთარი წვლილის" შეტანაში დაადანაშაულა.