სოლოლაკში საცხოვრებელი სახლის ნაწილი ჩამოინგრა. ჩაიკოვსკის ქუჩაზე მდებარე ავარიულ სახლს, კულტურული ძეგლის სტატუსი აქვს და გამაგრებას არ ექვემდებარება.

მთაწმინდის გამგეობამ მოსახლეობის ნაწილი ქირით გაიყვანა, დარჩენილ ნაწილთან კი კვლავ მოლაპარაკებები მიმდინარეობს. საუბარია 17 ოჯახზე, რომელიც ამ დრომდე ავარიულ შენობაში იმყოფება.

გამგებლის მოადგილე აცხადებს, რომ ამჟამად მიმდინარეობს სამუშაოები სპეციალისტების მიერ უსაფრთხოების ზომების მიღებასთან დაკავშირებით.