ვაკე-საბურთალოს დამაკავშირებელ ახალ გზაზე ავტოსაგზაო შემთხვევა მოხდა. მისაბმელიანი ავტომობილი გზაზე მოცურდა და სავალი ნაწილიდან გადავარდა. შემთხვევას მსხვერპლი არ მოჰყოლია, მაგრამ დაშავდა ავტომობილის მძღოლი. ადგილზე მობილიზებული იყო საპატრულო პოლიცია.

გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.