რუსთაველი მშობლები ინფორმაციით, საჯარო სკოლის მიმდებარე პერიმეტრზე ფიქსირდება რამდენიმე შემთხვევა უცხო ადამიანებსა და მცერწლოვან ბავშვებს შორის კონტაქტის. ისინი კონკრეტულ მაგალითებსაც ასახელებენ. ერთ-ერთი ინფორმაციის მიხედვით მესამე კლასელი ბიჭი მაღაზიაში შევიდა რა დროსაც მას უცნობი პირი აედევნა, ბიჭს შეეშინდა და მაღაზიიდან გამოსული სახლში სირბილით ავიდა.

"ინფო რუსთავი" შეეცადა არსებული ინფორმაცია შსს-ში დაეზუსტებინა. პოლიციაში აღნიშნეს, რომ  ფაქტზე გამოძიება დაწყებულია სსკ 150-ე მუხლით რაც იძულებას გულისხმობს. მიმდებარე პერიმეტრზე არსებული კამერებიდან ჩანაწერები უკვე ამოღებულია, თუმცა მსგავსი ფაქტი ფიზიკურად ვერ დააფიქსირეს.

დღეს კი სოციალური ქსელის დახურულ ჯგუფებში ვრცელდება ინფორმაცია, სადაც ერთ-ერთი მშობელი წერს რომ სკოლასთან უცნობი პირი, რომელიც თეთრი ფერის "ჰონდა ფიტით" გადაადგილდება, ბავშვებთან, ხშირად კი გოგონებთან ცდილობს კონტაქტში შევიდეს და მათ სხვადასხვა ამბებს უყვება.