(რეზონანსი) საოკუპაციო ძალების წარმომადგენლებმა კასპის მუნიციპალიტეტის სოფელ ოკამის 2 მკვიდრი გაიტაცეს.

33 წლის გიორგი შამანაური და 35 წლის იასონ შამანაური ოკუპირებული ახალგორის რაიონის სოფელ ახმაჯის მიმდებარე ტყის მასივში დააკავეს.

ისინი ე.წ. საზღვრის უკანონო გადაკვეთის ბრალდებით არიან დაკავებული.

„ამოქმედებულია ცხელი ხაზი და მომხდარზე ინფორმირებულია ევროკავშირის სადამკვირვებლო მისია", - აცხადებენ სახელმწიფო უსაფრთხოების სამსახურში.