არსებული ინფორმაციით, ბიზნესმენის შვილის გატაცების ბრალდებით დაკავებული 10-კაციანი დანაშაულებრივი ჯგუფის ერთ-ერთი წევრი "ქართული ოცნების" პირობებში პოლიტიკური პატიმრის სტატუსით არის გათავისუფლებული. შინაგან საქმეთა სამინისტროში ამ ინფორმაციაზე კომენტას არ აკეთებენ და ამბობენ, რომ პერსონალური ინფორმაციის გავრცელების უფლება არ აქვთ. 

შინაგან საქმეთა სამინისტრომ თბილისიდან გატაცებული ახალგაზრდა მამაკაცი გაათავისუფლა და 10-კაციანი დანაშაულებრივი ჯგუფი დააკავა. უწყებაში ამბობენ, რომ სპეცოპერაცია იმერეთსა და თბილისში ერთდროულად ჩატარდა.

ჩადენილი დანაშაული 9-დან 14 წლამდე ვადით თავისუფლების აღკვეთას ითვალისწინებს.