პრეზიდენტობის დამოუკიდებელმა კანდიდატმა სალომე ზურაბიშვილმა დღეს პროკურატურის მიერ გავრცელებული ინფორმაციისა და ჩანაწერების შესახებ კომენტარი გააკეთა.

„ვერ გიპასუხებთ, რატომ ჩაითვალა, რომ ახლა უნდა გამოქვეყნდეს ეს ჩანაწერები. საერთოდ, დიდი სურვილი მაქვს, ამ ქვეყანაში ჩანაწერებიდან გამოვიდეთ და გადავიდეთ ცოტა სხვა ჭრილში, რომელიც აუცილებელია ჩვენი საზოგადოებისთვის. მგონია, აქ მე გამოვხატავ არა ჩემს პირად აზრს, არამედ საზოგადოების სურვილს“, –განუცხადა სალომე ზურაბიშვილმა ჟურნალისტებს.