ნაცმოძრაობის წევრი ზაალ უდუმაშვილი აცხადებს, რომ 19, 20 და 21 ოქტომბერს თბილისში მათ მიერ დაგეგმილი აქცია გადაიდო. მისი თქმით, პრეზიდენტობის კანდიდატი გრიგოლ ვაშაძე ამ დღეებში დასავლეთ საქართველოში იქნება. 

"წინასაარჩევნო პერიოდში  გეგმები იცვლება იმის მიხედვით, სად უფრო მნიშვნელოვანია პრეზიდენტობის კანდიდატის ყოფნა. ამ პერიოდში, ახლა ძალიან დიდი მოთხოვნა იყო, პრეზიდენტობის კანდიდატი დასავლეთ საქართველოში ჩასულიყო. ამიტომ, 19, 20 და 21 ოქტომბერს გრიგოლ ვაშაძე მთლიანად დასავლეთ საქართველოში იმყოფება – სამეგრელოში, იმერეთში და აჭარაში მართავს ძალიან დიდ შეხვედრებს. ამ შეხვედრების გამო გადაიდო ის აქცია, რომელიც იგეგმებოდა", – განაცხადა უდუმაშვილმა.