სახალხო დამცველმა გლდანის მე-8 პენიტენციური დაწესებულებიდან გამოსვლის დაადასტურა, რომ მირზა სუბელიანი ციხის ადმინისტრაციამ სუიციდის პრევენციის პროგრამაში უკვე ჩართო. ნინო ლომჯარიას თქმით, როგორც მას პენიტენციურ დაწესებულებაში განუმარტეს, ტარდება შესაბამისი ღონისძიებები, რომ მომავალში სუიციდის მცდელობა თავიდან იყოს აცილებული. ლომჯარიას თქმით, სუბელიანი მძიმე ემოციურ მდგომარეობაშია.

„დავუსვი მას კითხვები, თუმცა ჩანაწერებთან დაკავშირებით კომენტარის გაკეთება არ სურს. ძირითადად საუბრობს ხორავას ქუჩის საქმეზე და იმის შესახებ, რომ ძალიან განიცდის მომხდარს და თანაუგრძნობს ოჯახებს“, - აღნიშნა სახალხო დამცველმა.