მარნეულში 30 წლამდე კაცს მატარებელი დაეჯახა და ადგილზე გარდაიცვალა. უბედური შემთხვევა ე. წ. მაღალაშვილის ხიდის მიმდებარე ტერიტორიაზე წუხელ მოხდა.

არსებული ინფორმაციით, მამაკაცი რკინიგზის ლიანდაგებზე იჯდა და მატარებლის მემანქანის ხმოვანი სიგნალის მიუხედავად, ტერიტორია არ დატოვა. მას მატარებელი დაეჯახა და ადგილზე გარდაიცვალა.

საქმეზე გამოძიება საქართველოს სსკ-ის 275-ე მუხლის მესამე ნაწილით დაიწყო, რაც რკინიგზის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. აღნიშნული დანაშაული სასჯელის სახით ხუთიდან შვიდ წლამდე ვადით თავისუფლების აღკვეთას ითვალისწინებს.