(რეზონანსი) ქუთაისში, დავით აღმაშენებლის მოედანზე,"მერსედესის" მარკის ავტომობილი ნაზარიშვილის სახელობის საოჯახო მედიცინის ცენტრის შენობაში შევარდა.

შემთხვევის შედეგად ახალგაზრდა მამაკაცი, ავტომობილის მძღოლი, დაშავდა.

ავტოსაგზაო შემთხვევაში მონაწილე ავტომობილი თამარ მეფის ქუჩაზე საპირისპირო მიმართულებით, მაღალი სიჩქარით მოძრაობდა.

ადგილზე საპატრულო პოლიციისა და სასწრაფო სამედიცინო დახმარების ბრიგადები იმყოფებოდნენ. დაშავებული საავადმყოფოში გადაიყვანეს, პოლიციამ კი მომხდარზე გამოძიება დაიწყო.