(რეზონანსი) თურქეთის დასავლეთ პროვინცია იზმირში ავტოსაგზაო შემთხვევას სულ მცირე 15 ადამიანი ემსხვერპლა. დაღუპულთა შორის ბავშვებიც არიან. არიან დაშავებულებიც.

გამოცემის ინფორმაციით, სატვირთოს, რომელიც ავარიაში მოყვა მიგრანტები გადაჰყავდა. ირკვევა, რომ სატვირთო ავტომობილმა გზის დამცავი ჯებირი გაარღვია და 20 მეტრის სიმაღლიდან სარწყავ არხში გადავარდა. ავარიის გამომწვევი მიზეზი ცნობილი არ არის.

შემთხვევის ადგილზე სამაშველო ჯგუფები მუშაობენ. მომხდარზე სხვა დეტალები ჯერ უცნობია.