"რუსთავი2"-ის გადამღებ ჯგუფზე თავდასხმაში ორივე ბრალდებული მოსამართლემ წინასწარ პატიმრობაში დატოვა. ჩინური კომპანიის წარმომადგენლებისთვის აღკვეთის ღონისძიების შესახებ მოსამართლემ გადაწყვეტილება ამ საღამოს მიიღო.   წინასასამართლო სხდომა კი 28 ნოემბრისთვის ჩაინიშნა.

შეგახსენებთ, რომ "რუსთავი2"-ის ჟურნალისტს, ეკა გაგუას და ოპერატორ ლევან კალანდიას "ჩინეთის რკინიგზის 23-ე ბიუროს" თანამშრომლებმა ფიზიკური შეურაცხყოფა იმ დროს მიაყენეს, როცა გადამღები ჯგუფი სიუჟეტს სარკინიგზო ხაზის მშენებლობის დროს გამოვლენილ დარღვევებზე ამზადებდა.