(რეზონანსი) "ზურაბიშვილმა გადაწყვიტა "ბნელი ძალები" გამოეწვია დებატებში, რათა მათ ფონზე ნათელი გამოჩნდეს", - ამის შესახებ განცხადებას "შენების მოძრაობის" საპრეზიდენტო კანდიდატი დავით უსუფაშვილი აკეთებს.

"ქალბატონმა სალომე ზურაბიშვილმა გადაწყვიტა "ბნელი ძალები" გამოეწვია დებატებში, რათა მათ ფონზე ნათელი გამოჩნდეს. მე ვთავაზობ ქალბატონ სალომეს, "ბნელებთან" კი არა, ჩემთან დებატებს დათანხმდეს და აქ წარმოაჩინოს თავისი უპირატესობა", - განაცხადა დავით უსუფაშვილმა.