ინტერნეტში გავრცელებულმა ფოტომ, რომელზეც ცნობილი მსახიობი არნოლდ შვარცნეგერი საკუთარი ძეგლის ქვეშ მძინარეა აღბეჭდილი დიდი დაბნეულობა გამოიწვია.

იქვე ახლოს, სასტუმროა, რომლის საზეიმო გახსნაშიც თავის დროზე, მსახიობს მონაწილეობა აქვს მიღებული. იმ დროს არნოლდს კალიფორნიის გუბერნატორის პოსტი ეკავა და სასტუმროს ხელმძღვანელობამ განუცხადა, რომ ერთი ნომერი მისთვის პერსონალურად რეზერვში ექნებოდათ, რა დროსაც არ უნდა მისულიყო.

მოხდა ისე, რომ რამდენიმე დღის წინ, შვარცნეგერს უარი უთხრეს, როცა  სასტუმროში ღამის გასთევად მივიდა. სიტუაცია ასე განუმარტეს: მოთხოვნა დიდია, თავისუფალი ნომრები კი არ არის. თუმცა ზედმეტს თუ გადაიხდიდა, შენობაში ადგილს მოუძებნიდნენ.

არნოლდმა გადაწყვეტილება მიიღო, ხალხისთვის დაენახვებინა, რომ ცხოვრებაში მუდმივი არაფერია. ის ღამის გასათევად სასტუმროს გვერდით, საკუთარი ძეგლის ქვეშ დაწვა . “მე მხოლოდ მაშინ მცემდნენ პატივს, როცა დიდი თანამდებობა მქონდა. დრო რომ გავიდა არავის გახსენებია საკუთარი დანაპირები.  ამიტომ გთხოვთ დაიმახსოვროთ, რომ არაფერი არ შეიძლება მუდმივი იყოს. არც თანამდებობა, არც ფული” - წერს მსახიობი სოციალურ ქსელში.