(რეზონანსი) რამდენიმე წუთის წინ სამედიცინო უნივერსიტეტთან - ვაჟა-ფშაველას გამზირზე სტუდენტ ბიჭს მსუბუქი ავტომობილი დაეჯახა.

ახალგაზრდა ქუჩაზე გადარბოდა, რა დროსაც ავტოსაგზაო შემთხვევა მოხდა. თითმხილველების თქმით, შეჯახება მძლავრი იყო, სტუდენტი კი უგონო მდგომარეობაში სავადმყოფოში გადაიყვანეს.

"ირგვლივ იმდენი სისხლი იყო, რომ ხალხი ახლოს ვერ მიდიოდა. სასწრაფომ კი გადაიყვანა, მაგრამ უცნობია გადარჩება თუ არა იმდენი სისხლი დაკარგა" - განუცხადეს "რეზონანსს" თითმხილველებმა.