(რეზონანსი) გოგა ბითაძის „მეგა ბიმაქსმა" ადრეატიკის ლიგაში მეორე მატჩიც გამართა და ბელგრადული „ფმპ" 89:61 დაამარცხა. ამის შესახებ Betexplorer-ზე ვკითხულობთ.

სასტარტო ხუთეულში მყოფმა ბითაძემ 24:55 წუთში 14 ქულა, 7 მოხსნა, 4 პასი და 2 დაფარება მოაგროვა. ქართველმა ცენტრმა 8-დან 5 ორქულიანი და 8-დან 4 საჯარიმო ჩააგდო. მოგვიანებით კი ბითაძემ 5 პესონალური ჯარიმა მიიღო, რის გამოც მოედანი დატოვა.

ადრეატიკის ლიგაში გამართული 2 ტურის შემდეგ, 2 მოგებით „მეგა ბიმაქსი" ერთ-ერთი ლიდერია.

13 ოქტომბერს გოგა ბითაძის გუნდი „ცედევისტას" ეთამაშება. შეხვედრას ზაგრები უმასპინძლებს.