(რეზონანსი) პროკურატურის პრესსამსახურიში პაატა ბურჭულაძის მეუღლის მოწმის სტატუსით გამოკითხვაზე დაბარებასთან დაკავშირებით კომენტარი გაკეთდა.

"პროკურატურა აწარმოებს გამოძიებას საქვემლოქმედო ფონდ "იავნანას" ხელმძღვანელ პირთა მიერ ფონდის კუთვნილი დიდი ოდენობით თანხების შესაძლო მითვისება-გაფლანგვის ფაქტებზე. ფონდის თანხების შესაძლო არამიზნობრივ ხარჯვასთან დაკავშირებით საგამოძიებო უწყებას გააჩნია კონკრეტული კითხვები პაატა ბურჭულაძის მეუღლის, ანგელა ვასილენკოს სასარგებლოდ გადახდილ თანხებთან დაკავშირებით. ფონდის მიერ ანგელა ვასილენკოსათვის ანაზღაურებულია ავიაბილეთების ღირებულება - დაახლოებით 254 000 ლარი, გადახდილია ხელფასი და სხვა ხარჯი - დაახლოებით 83 000 ლარი. მოპოვებული ინფორმაციის ანალიზისა და სამართლებრივი შეფასების შემდგომ საქმეზე მიღებულ იქნება შემაჯამებელი გადაწყვეტილება"- აცხადებენ უწყებაში.

პაატა ბურჭულაძის მეუღლემ, რომელიც დღეს თბილისის საქალაქო სასამართლოში გამოკითხვაზეა დაბარებული, საქართველო დატოვა. თბილისის საერთაშორისო აეროპორტში ანგელა ვასილენკომ განაცხადა, რომ არსად გარბის და 8 ოქტომბერს საქართველოში დაბრუნდება.