(რეზონანსი) რამდენიმე წუთის წინ შემზარავი ავარია მოხდა მოსკოვის გამზირზე. მეშვიდე კლასელ ბიჭს, რომელიც ზებრა-გადასასვლელზე გადადიოდა სავარაუდოდ, დიდი სისწრაფით მოძრავი ტაქსი დაეჯახა.

„დაჯახების საშინელი ხმა იყო,რომ მოვიხედეთ, მთლიანად სისხლში მოსვრილი ბავშვი ქუჩაში ეგდო. სახე მთლიანად დალეწილი აქვს. სავარაუდოდ, მანქანა ისე მოფრინავდა, რომ დამუხრუჭება ვერ მოასწრო" - ამბობს ერთ-ერთი თვითმხილველი.

სასწრაფო დახმარების მანქანამ მოზარდი რეფერალურ საავადმყოფოში გადაიყვანა.

ამ წუთებში სამართალდამცავები შემთხვევის ადგილზე მუშაობენ.