თბილისის სასულიერო სემინარია და აკადემია 30 წლის გახდა. უმაღლესი სასულიერო სასწავლებლის საიუბილეო თარიღი დღეს საქართველოს საპატრიარქოში განსაკუთრებულად აღნიშნეს. ილია მეორემ, სხვა მღვდელმთავრებთან ერთად, ქვეყნის პრემიერმინისტრს, პარლამენტის თავმჯდომარეს, დეპუტატებს და ოპოზიციის წარმომადგენლებს უმასპინძლა.

საზეიმო მიღებას საპატრიარქოში სემინარიისა და აკადემიის მეცნიერ მასწავლებლებიც ესწრებოდნენ.

სტუმრებმა 30-წლიანი ისტორია განიხილეს და თბილისის სასულიერო სასწავლებლის შექმნაში ილია მეორის როლზე ისაუბრეს.