(რეზონანსი) სამწუხარო ამბავი საფრანგეთიდან - მომღერალი, კომპოზიტორი და მსახიობი შარლ აზნავური 94 წლის ასაკში გარდაიცვალა.

შარლ აზნავური დაიბადა სომეხი ემიგრანტების ოჯახში, რომლებიც საფრანგეთში 1922 წელს გადასახლდნენ. შარლის დედა სომეხ ვაჭართა ოჯახიდან იყო, რომელიც თურქეთში ცხოვრობდა, მამა საქართველოში დაიბადა. გადმოცემით, აზნავურის პაპა მამის მხრიდან ნიკოლოზ II-ის მზარეული იყო ლიკანის რეზიდენციაში.

შარლ აზნავურის კარიერა 65 წელს ითვლის, მას შესარულებული აქვს 1400-ზე მეტი სიმღერა, ის 6 ენაზე მღეროდა. კონცერტები ჩატარებული აქვს 82 ქვეყანაში.