რუსთაველები ანტისანიტასრიას უჩივიან და მერიის მიმართ პრეტენზიები აქვთ. ადგილობრივები ამბობენ, რომ ბუნკერების გაუქმების შემდეგ ვირთხები დარბიან ყველა სართულზე. "ღამით სახლში ვეღარ ავსულვართ ისეთი ამბავი ხდება. იქნებ დაგვეხმაროთ, რომ მიაქციონ ყურადღება ვისაც ეს ეხება", - აცხადებენ მოქალაქეები.

როგორც "ინფო რუსთავს"-  რუსთავის მერიიდან აცნობეს, ა(ა)იპ "რუსთავის საზოგადოებრივი ჯანმრთელობისა და უსაფრთხო გარემოს ცენტრმა" სადარბაზოებში და სარდაფების ნაწილში სანიტარულ-ჰიგიენური ღონისძიებები გაატარა, თუმცა დარჩა რამდენიმე სარდაფი, რომლის დამუშავებაც ვერ მოხდა. მიზეზად კი საზოგადოებრივი ჯანმრთელობისა და უსაფრთხო გარემოს ცენტრში, მოსახლეობის მხრიდან სარდაფების ჩაკეტვას ასახელებენ.

ვირთხების დაფიქსირების შემთხვევაში მოსახლეობას შეუძლია დარეკოს და გამოიძახონ ჯგუფი რომელიც მათ გაუვნებელყოფაში დაეხმარება.