(რეზონანსი) "ადამიანი არ ვარ, აბიტურიენტი ვარ" - ეს სტატუსი გამოაქვეყნა გოგონამ გარდაცვალებამდე ერთი კვირის ადრე.

როგორც ცნობილია, სამტრედიაში, მესამე საჯარო სკოლის მეთორმეტე კლასის მოსწავლემ თავი მოიკლა. გავრცელებული ინფორმაციით, გარდაცვლილი საკუთარმა ძმამ ხეზე ჩამომხრჩვალი იპოვა.

დაუზუსტებელი ინფორმაციით, გოგონამ თვითმკვლელობა ადრეც სცადა.

შინაგან საქმეთა სამინისტროს ცნობით, საქმეზე გამოძიება სსკ-ის 115-ე, თვითმკვლელობამდე მიყვანის მუხლით დაიწყო. თვითმკვლელობის მიზეზი ჯერჯერობით უცნობია.