2019 წლის პირველი იანვრიდან პენსია 20 ლარით გაიზრდება. ამის შესახებ ინფორმაცია ფინანსთა მინისტრის მოადგილემ დაადასტურა. გიორგი კაკაურიძის განცხადებით პენსიის ზრდისთვის თანხა ბიუჯეტის პროექტში იქნება გათვალისწინებული. მთლიანი ხარჯი ამ კუთხით მომავალ წელს დაახლოებით 1.925 მილიარდი ლარი იქნება, რაც წლევანდელზე დაახლოებით 210 მილიონით მეტია.

პენსია საქართველოში ბოლოს 2016 წელს, 180 ლარამდე გაიზარდა.