ლანჩხუთის ერთ-ერთი საჯარო სკოლის პედაგოგი, ლადო აფხაზავა ფოტოს აქვეყნებს, სადაც ჩანს სატვირთოს შუა გზაში საბურავი აქვს მომძვრალი. პედაგოგი წერს, რომ გუშინ მომხდარის გამო სამი მოსწავლე სიკვდილს სასწაულად გადაურჩა:

"ამ საბურავმა, ჩიბათის საჯარო სკოლის სამი მოსწავლე ლამის იმსხვერპლა. როცა ბავშვები მეშვიდე გაკვეთილი შემდეგ სახლში ბრუნდებოდნენ და მათ გვერდით ახლოს აღნიშნულ ავტომანქანას საბურავი ავტომაგისტრალზე მოძრაობის დროს მოუძვრა. ბავშვები გადაადგილდებოდნენ და შემთხვევით გადარჩნენ. მსგავსი ტრაგიკული შემთხვევა ადრე სოფელ ქვიანში მოხდა, რომელმაც მცირეწლოვანი იმსხვერპლა.

როგორც თვითმხილვევლები ჰყვებიან ავტომანქანა ნორმაზე მეტად იყო დატვირთული, რამაც გამოიწვია საბურავის დაზიანება. თუმცა აღნიშნული კომპანიის ავტომანქანებს ხშირად ვხედავთ ასეთ მდგომარეობაში. გთხოვთ ვისაც ეს ეხება უსწრაფესად მოგვარდეს და აღმოიფხვრას პრობლემები რათა ჩვენმა მოსწავლეებმა შეძლონ უსაფრთხო გადაადგილება", - წერს აფხაზავა.