აზერბაიჯანული ტელესაკომუნიკაციო თანამგზავრი „Azerspace-2“ კოსმოსში კოსმოდრომ კურუდან (ფრანგული გვინეა) გაფრინდა. ეს უკვე მესამე თანამგზავრია, რომელიც აზერბაიჯანმა კოსმოსში გაუშვა. თანამგზავრი  ევროპის, ცენტრალური და სამხრეთ-აღმოსავლეთი აზიის, ახლო აღმოსავლეთისა და ტროპიკული აფრიკის ქვეყნებს მოიცავს და ის ექსპლუატაციაში 15 წლის განმავლობაში იქნება. 

აზერბაიჯანის ხელისუფლებამ ამ პროექტის განხორციელებისთვის 192 მილიონი დოლარი დახარჯა და ის ექსპორტის განვითარების კანადური სააგენტოს ხანგრძლივი და შეღავათიანი საკრედიტო ხაზის ხარჯზე ხორციელდება.