(რეზონანსი) საქართველოს ეკონომიკის და მდგრადი განვითარების მინისტრის მოადგილე გიორგი ჩერქეზიშვილი თანამდებობას ტოვებს და საქმიანობას კერძო სექტორში გააგრძელებს. ამის ინფორმაციას Bm.ge ავრცელებს.

ჩერქეზიშვილის წასვლას სამინისტროს პრესსამსახურში არ ადასტურებენ - "ჯერჯერობით, არ ვადასტურებთ. გიორგი ჩერქეზიშვილი შვებულებაშია"- აცხადებენ.

გიორგი ჩერქეზიშვილი ეკონომიკისა და მდგრადი განვითარების მინისტრის მოადგილედ 2017 წლის მარტში დაინიშნა. ერთი თვის განმავლობაში ის ეკონომიკის მინისტრიც იყო.

ეკონომიკის და მდგრადი განვითარების მინისტრ გიორგი ქობულიას, გიორგი ჩერქეზიშვილის ჩათვლით, 6 მოადგილე ჰყავს. მათგან ორი - ნათია თურნავა და ნინო ენუქიძე თანამდებობებზე ქობულიამ დანიშნა.