პრეზიდენტობის კანდიდატ სალომე ზურაბიშვილს ბათუმში მორიგი პროვოკაცია მოუწყეს. დღევანდელ შეხვედრაზე მისი გამოსვლის ჩაშლა ასლან ვაშაყმაძემ სცადა, რომელმაც მას მოღალატე უწოდა. მოგვიანებით ის შენობის გარეთ გაიყვანეს.

ასლან ვაშაყმაძის "ფეისბუქ" გვერდიდან ცნობილი ხდება, რომ ის ნაციონალური მოძრაობის წარმომადგენელია, ხოლო ე.წ. ქავერის ფოტოს გრიგოლ ვაშაძის საარჩევნო ფოტო აქვს დაყენებული.