(რეზონანსი) თბილისის საქალაქო სასამართლომ შვილი, რომელიც დედას 80 ლარის გამო მოკვლით ემუქრებოდა, დამნაშავედ სცნო.

პროკურატურის ინფორმაციით, სასამართლომ სრულად გაიზიარა მათ მიერ წარდგენილი მტკიცებულებები და ბრალდებულს 6 თვის ვადით თავისუფლების აღკვეთა და 500-ლარიანი ჯარიმა დააკისრა.

პროკურატურის ინფორმაციით, შვილმა დედაზე 2018 წლის 16 ივლისს იძალადა. სამართალდამცავებმა ის 19 ივლისს დააკავეს. საქმეზე გამოძიება სისხლის სამართლის კოდექსის 111-150-ე მუხლის პირველი ნაწილით მიმდინარეობდა. ამ მუხლით სისხლის სამართლის პასუხისმგებლობა ოჯახის ერთი წევრის მიერ სხვა წევრის იძულების გამო დგება.