გირჩის საპრეზიდენტო კანდიდატმა, ზურაბ ჯაფარიძემ წინასაარჩევნო სარეკლამო კამპანია ყველაზე ცნობილ პორნოსაიტზე Porn-Hub-ზე დაიწყო. მან ინფორმაცია On.ge-ს დაუდასტურა. PornHub-ის ვებგვერდზე მან ორი ბანერი განათავსა სხვადასხვა წარწერით:

- არ გპირდებით ზომის გაზრდას!

- მეტი სექსი, მეტი თავისუფლება!

როგორც ჯაფარიძე ეს “ჩვეულებრივი ბიზნესგადაწყვეტილებაა”. 8 სექტემბერს განთავსებულ ბანერებს ოთხ საათში 40 ათასამდე ჩვენება ჰქონდა. საპრეზიდენტო კანდიდატის ინფორმაციით, ჯერ არ აქვთ გადაწყვეტილი, რა თანხას დახარჯავენ ამ კამპანიაში.

"ერთი მომხმარებელი საქართველოდან, საშუალოდ, 8-9 წუთს ატარებს პორნჰაბის საიტზე. მთელი ამ დროის განმავლობაში შეიძლება პერიფერიული მზერით ხედავდეს ჩემს ბანერს. ჩემი აზრით, ათასჯერ უფრო ეფექტური რეკლამაა, ვიდრე ერთად აღებული ყველა სხვა კანდიდატის სატელევიზიო თუ ქუჩის რეკლამა-სპექტაკლები", – ამბობს ჯაფარიძე.