რამდენიმე ხნის წინ მახინჯაურში ავარია მოხდა. ავტოსაგზაო შემთხვევის შედეგად რუსეთის მოქალაქეები დაშავდნენ. ერთმანეთს ორი მსუბუქი ავტომანქანა შეეჯახა.  ავარიისას მამა-შვილი დაშავდა. პირველი არხის ინფორმაციით, ისინი სასწრაფო დახმარების ბრიგადამ საავადმყოფოში გადაიყვანა.

ექიმების ინფორმაციით, დაშავებულებს დაზიანებები გულ-მკერდის არეში აღენიშნებათ. მედიკოსების ცნობით, პირველადი დაკვირვებით, პაციენტებს სიცოცხლისთვის შეუთავსებელი დაზიანებები არ აქვთ.

ავტოსაგზაო შემთხვევის გამო მაგისტრალზე მოძრაობა შეფერხდა. შეიქმნა რამდენიმე კილომეტრიანი საცობი.

ადგილზე სამართალდამცავები იმყოფებიან. მომხდარზე გამოძიება მიმდინარეობს.