იუსტიციის სამინისტროს პენიტენციური სამსახური ყოფილი პრემიერის, ვანო მერაბიშვილის მოწამვლის ფაქტს გამორიცხავს. როგორც „აიპიენს“ სპეციალურ პენიტენციურ სამსახურში განუცხადეს, ბოლო პერიოდის განმავლობაში მისი ჯანმრთელობის მდგომარეობა არ დამძიმებულა. გარდა ამისა, უწყება ორშაბათს დეტალურ განცხადებასაც გაავრცელებს.

ცოტა ხნის წინ მერაბიშვილის ადვოკატმა გიორგი ჩივიაშვილმა გაავრცელა განცხადებს, რომ მისი დაცვის ქვეშ მყოფის ჯანმრთელობის მდგომარეობის გაუარესდა და ეს, შესაძლოა, მოწამვლას უკავშირდებოდეს.