(რეზონანსი) თემირლან მაჩალიკაშვილის ოჯახი აცხადებს, რომ ვიდრე 19 წლის ახალგაზრდის მკვლელობის საქმეზე სამართალი არ არის დადგენილი, ისინი ხეობაში საზეიმო ღონისძიების „პანკისობა 2018"-ის ჩატარების საშუალებას არ მიცემენ.

მაჩალიკაშვილები აცხადებენ, რომ ამ ღონისძიებაზე ქისტები არ მოვლენ, რადგან ისინი თემირლანს გლოვობენ და მკვლელების დასჯას ითხოვენ.

"არ ვაცეკვებ ჩემი შვილის საფლავთან ამათ", - აცხადებს თემირლან მაჩალიკაშვილის დედა მედიკო მარგოშვილი.

პანკისის ხეობაში სამართალდამცავები არიან მობილიზებული.

აღნიშნულ საკითხს გამოეხმაურა პანკისის სახალხო კრებაც და ხელისუფლებას პანკისობის დღესასწაულის გადატანა ან გაუქმება ურჩია.