(რეზონანსი) ნიუ იორკში 52 წლის ქალი საბავშვო ბაღის აღსაზრდელებს და თანამშრომლებს დანით დაესხა თავს. შემთვევის შედეგად დაშავდა 5 ადამიანი, მათ შორის 3 ბავშვი.

პოლიციის ცნობით, ერთ-ერთი ბავშვის მდგომარეობა მძიმეა. რა ასაკის არიან ბავშვები არ კონკრეტდება.

რაც შეეხება დაჭრილ ზრდასრულებს, ერთი მათგანი საბავშვო ბაღის თანამშრომელი, მეორე კი ერთ-ერთი ბავშვის მამაა.

თავდამსხმელი ქალი პოლიციამ შენობის სარდაფში იპოვა, წინასწარი ინფორმაციით მან ჭრილობები თავადაც მიიყენა. ის დაკავებულია და ამ დროისთვის საავადმყოფოშია გადაყვანილი.

თავდასხმის მიზეზები ამ ეტაპზე უცნობია.