(რეზონანსი) "მივიღე გადაწყვეტილება, რომ არ ვიყო სასახლეში მჯდომი პრეზიდენტი, მნიშვნელობა არ აქვს რომელ სასახლეზე იქნება საუბარი. ვაპირებ, ხშირად ჩამოვიდე და მოგისმინოთ. მე უკვე ვეძებ პატარა რაჭულ სახლს, რათა ხშირად ჩამოვიდე და თქვენგან მოვისმინო იმ პრობლემების შესახებ, რომლის გაგებას აქ, ადგილზე ყოფნა სჭირდება", - ეს განცხადება "ქართული ოცნების" მხარდაჭერილმა დამოუკიდებელმა კანდიდატმა სალომე ზურაბიშვილმა ამბროლაურში, ამომრჩევლებთან შეხვედრისას გააკეთა.