თბილისში, ხორავას ქუჩაზე მოკლული №51 საშუალო სკოლის მოსწავლის დავით სარალიძის მამამ, ზაზა სარალიძე, საქართველოს საპატრიარქოში, კათოლიკოს-პატრიარქთან, ილია მეორესთან შეხვედრის შემდეგ შიმშილობა შეწყვიტა. ამის შესახებ ჟურნალისტებს  ილია მეორესთან  შეხვედრის დასრულების შემდეგ თავად ზაზა სარალიძემ განუცხადა.

შიმშილობის შეწყვეტის მიუხედავად ის აგრძელებს საპროტესტო აქციას თბილისში, რუსთაველის გამზირზე, პარლამენტის შენობასთან, სანამ გამოძიება არ დაადგენს ვინ არის მისი მკვლელი და არ დააკავებს.

"აქციები გაგრძელდება, სანამ მართლა სატანები არ მოშორდებიან ქვეყანას", - განაცხადა სარალიძემ.