(რეზონანსი) საქართველოს ნომერ პირველმა ჩოგანმა ნიკოლოზ ბასილაშვილმა მეცის საერთაშორისო ტურნირზე ერთეულთა თანრიგი წარმატებით დაიწყო.ქართველმა ჩოგბურთელმა 31 წლის ფრანგი კენი დე შეპერი დაამარცხა.

ბასილაშვილმა 186-ე ნომრად განთესილ ჩოგანს ორ სეტში ანგარიშით 6:2, 7:6 მარტივად სძლია. თამაში მხოლოდ 1 საათსა და 5 წუთს გაგრძელდა.

ბასილაშვილი შემდეგ შეხვედრაში ავსტრალიელ ბერნარდ ტომიკსა და ფრანგ უგო ამბერტს შორის გამარჯვებულს დაუპირისპირდება.

2 სექტემბერს ნიკოლოზ ბასილაშვილი მსოფლიოს პირველ ჩოგანს რაფაელ ნადალს შეხვდა. ესპანელმა ჩოგბურთელმა ბასილაშვილი ანგარიშით 6:3. 6:3 6:7 6:4 დაამარცხა. შეხვედრა არტურ ეშის კორტზე გაიმართა და 3 საათსა და 25 წუთს გაგრძელდა.