"ქუმსიშვილს უცხოელებიც კი პირად საუბრებში „მისტერ 10 პროცენტი“-ს ეძახდნენ. ის ყველგან წილში იყო, პრაქტიკულად. რა თქმა უნდა, არა ქუმსიშვილი, არამედ მისი სახით მაღალი სუბსტანციები,“ - განაცხადა ნიკა გვარამიამ და დასძინა, რომ ერთ-ერთმა ბიზნესმენს ქუმსიშვილთან ყოველთვიურად მიჰქონდა 70 ათასი დოლარი.

"ჩვენ ვიცით, რომ ქუმსიშვილი იყო პარტიის შავი ფულის შემგროვებელი და ჩვენ მოსმენილი გვაქვს ერთ-ერთი ბიზნესმენისგან და მე არაერთი ბიზნესმენისგან, რომ მათ კონკრეტული ტარიფი ჰქონდათ დაწესებული და მათ ჩემოდნით მიჰქონდათ ყოველთვიურად,“ - განაცხადა ნიკა გვარამიამ.