"დემოკრატიული მოძრობის" ლიდერმა ნინო ბურჯანაძემ, საქართველოს კათოლიკოს პატრიარქის ილია მეორეს გუშნდელი ქადაგების შეფასებაზე ისაუბრა, რომელიც შსს-ს ახალ კანონპროექტს ეხებოდა.
"ამ ინიციატივის უკან დგას პირადად ბიძინა ივანიშვილის და საქართველოს ხელისუფლების სურვილი, რომ სამუდამოდ გაიხანგრძლივონ ხელისუფლება. ვინაიდან ესმით, რომ ეს, ამ ვითარებაში შეუძლებელია და დღეს თუ ხვალ მოქალაქეების პროტესტი აუცილებლად ხმამაღალი გახდება. მათი ამოცანაა "დაბოლილი" და გაბრუებული ნახონ ნახევარი საქართველო და ადვილად მართონ.
ძალიან მიმძიმს ამის თქმა, მაგრამ უნდა ვთქვა, რომ გაოგნებული დავრჩი მისი უწმიდესობის კომენტარითაც. ვფიქრობ, რომ ეკლესიამ ნამდვილად უნდა აღიმაღლოს იმის მიმართ ხმა, რაც ახლა ხდება.
არ მჯერა თქვენო უწმიდესობავ იმისა, რომ ჩვენი შვილები და მომავალი თაობები უყვარს იმ ადამიანებს, რომლებიც საქართველოში კანაფის მოყვანას მასობრივად გეგმავს" - განაცხადა ნინო ბურჯანაძემ.