სპორტის ყოფილი მინისტრი გამოკითხვაზე დაიბარეს. ლევან ყიფიანი თბილისის პროკურატურაში დღეს უნდა მივიდეს. საქმე ტელეკომპანია „იბერიას“ და „ომეგა ჯგუფის“ ირგვლივ ატეხილ სკანდალს ეხება.

საუბარია აუდიო ჩანაწერებზე, სადაც არსებული ინფორმაციით, სწორედ ლევან ყიფიანი აწარმოებს მოლაპარაკებებს „ომეგა ჯგუფის“ ხელმძღვანელთან და მას პრობლემების მოსაგვარებლად რამდენიმე მილიონის გადახდას სთავაზობს.

გამოძიება თბილისის პროკურატურამ სხვისი კუთვნილი დიდი ოდენობით ფულადი თანხის მოტყუებით დაუფლების მუხლით დაიწყო.