ზუგდიდის მერიაში კორუფციული გარიგების ფაქტის გამოძიების ფარგლებში სუს-მა უკვე ერთი პირი დააკავა და საგამოძიებო მოქმედებებს აგრძელებს.

„სახელმწიფო უსაფრთხოების სამსახურის ანტიკორუფციულ სააგენტოში მიმდინარეობს გამოძიება ქრთამის აღების ფაქტზე, საქართველოს სსკ-ის 338-ე მუხლით. მიმდინარე გამოძიების ფარგლებში, ჩატარებული საცხოვრებელი სახლების და მანქანების ჩხრეკის შედეგად, დაკავებულია მოქალაქე ზაზა ხ. აღნიშნულ საქმესთან დაკავშირებით საგამოძიებო მოქმედებები გრძელდება“, - ნათქვამია სუს-ის განცხადებაში.