(რეზონანსი) სტამბოლის პოლიციამ ახალი აეროპორტის 500-მდე მშენებელი დააკავა, რომლებიც შრომის რთულ პირობებს აპროტესტებდნენ.

„ხელისუფლებამ მუშების კანონიერ მოთხოვნებს ძალის გამოყენებით უპასუხა, დაკავებულია 500-ზე მეტი ადამიანი. მათთან ადვოკატებს არ უშვებენ, ჩვენთვის არაფერია ცნობილი. ჩვენი პროფკავშირი, ადვოკატებთან და დეპუტატებთან ერთად, მუშების გათავისუფლებას და მათი მოთხოვნების შესრულებას მოითხოვს. ჩვენი ბრძოლა გაგრძელდება", - განაცხადა მშენებლების პროფკავშირის ხელმძღვანელმა ოზგიურ კარაბულუთმა

გუშინ თურქეთის პოლიციამ მომიტინგეების დასარბევად ცრემლსადენი გაზი და წყლის ჭავლი გამოიყენა.

სტამბოლის აეროპორტი თურქეთის პრეზიდენტის, რეჯეფ თაიფ ერდოღანის ერთ-ერთი ყველაზე ამბიციური პროექტია. აეროპორტს საშუალოდ, ყოველწლიურად 90 მილიონი მგზავრი ეყოლება და ეს რიცხვი 2023 წელს 150 მილიონს მიაღწევს.

მშენებლობაზე 35 ათასამდე ადამიანია დასაქმებული.