(რეზონანსი) ახალი დეტალები ოზურგეთიდან - ცოტა ხნის წინ 15 წლის მოზარდთან ერთად, კიდევ ერთი ბიჭი დაჭრეს. ის სავარაუდოდ 20 წლისაა.

ისინი სასწრაფო სამედიცინო დახმარების ბრიგადამ ოზურგეთში კლინიკა „მედალფაში" გადაიყვანა.

მათ ჭრილობები გულ-მკერდისა და ბარძაყის არეში ცივი იარაღით აქვთ მიყენებული. დაჭრილებს ამ წუთებში ოპერაცია უტარდებათ.

სისხლიან დაპირისპირებას წინ უძღოდა სიტყვიერი დაპირისპირება. ადგილზე ამ წუთებში მობილიზებულია პოლიცია.

15 წლის ბიჭი ადგილობრივი მაცხოვრებელი არ არის. ის რუსთავიდანაა.