(რეზონანსი) ჭიდაობა ძიუდოში ევროპის ახალგაზრდული ჩემპიონატის მეორე დღეს საქართველოს ნაკრების წევრებმა 4 სხვადასხვა სინჯის მედალი მოიპოვეს.

81 კილოგრამამდე წონით კატეგორიაში ქართული ფინალი შედგა: ოქრო-ვერცხლი ლუკა მაისურაძემ და ტატო გრიგალაშვილმა გაინაწილეს. ევროპის ჩემპიონი ლუკა მაისურაძე გახდა, ტატო გრიგალაშვილს ვერცხლის მედალი ერგო.

ქალებს შორის, ვერცხლის მედლის მფლობელი გახდა ეთერ ლიპარტელიანი (-57კგ), ხოლო მარიამ ჭანტურიამ -70კგ ბრინჯაოს მედალი მოიპოვა.