"საკონსტიტუციო სასამართლომ მიიღო გადაწყვეტილება, რომ თურმე ადამიანს უფლებაა, ისე დაისვენოს როგორც უნდა. შეკითხვა მაქვს სასამართლოსთან, პედოფილსაც აქვს უფლება ისე დაისვენოს, როგორც უნდა?" - ამის შესახებ გაერთიანებული ოპოზიციური პარტიების "ძალა ერთობაშია" პრეზიდენტობის კანდიდატმა გრიგოლ ვაშაძემ მარიხუანას მოხმარების დეკრიმინალიზაციაზე საკონსტიტუციო სასამართლოს გადაწყვეტილებასთან დაკავშირებით განაცხადა.

ვაშაძე მარიხუანას ექსპორტის გადაწყვეტილების წინააღმდეგია და ამბობს, რომ ექსპორტით მიღებული შემოსავალი ბიძინა ივანიშვილის "ჯიბეში წავა", უმუშევრობას და ემიგრაციას კი, ქვეყანაში ნარკოტიკის მოხმარებაც დაემატება.