პედაგოგების სახელფასო ბარათებიდან გამქრალი ათასობით ლარი. უკვე მეორე თვეა გამოძიება იმის დადგენას ცდილობს ვინ და როგორ იპარავს პედაგოგების სახელფასო ბარათებიდან ფულს.

ბოლო 2 თვის განმავლობაში, სოლიდური თანხა 100-მდე პედაგოგის სახელფასო ბარათებიდან გაქრა. ყველა მასწავლებლის ანგარიშიდან ფული ტოტალიზატორში გადაირიცხა. დაზარალებული ასამდე პედაგოგია, თუმცა გამოძიება 40 საქმეზე მიმდინარეობს. სამართალდამცველებმა ვერ დაადგინეს, ვინ დგას საბანკო "აფიორის" უკან.

„კურიერმა“ ერთ-ერთი მასწავლებლის მიერ გამომძიებლებისთვის მიცემული ჩვენება მოიპოვა. ამ პედაგოგის შემთხვევაშიც, ხელწერა იგივეა - ტრანზაქციები შუაღამისას განხორციელდა და რამდენიმე წუთში საერთო ჯამში 420 ლარი დაკარგა.

პედაგოგთა საკოორდინაციო ცენტრის ხელმძღვანელი დავით ფერაძე ამბობს, რომ ბოლო 2 თვის განმავლობაში, დასახმარებლად 80-მდე მასწავლებელმა მიაკითხა.