თედო ჯაფარიძემ პრემიერის მრჩევლის თანამდებობა დატოვა და მუშაობას „ანაკლიის განვითარების კონსორციუმში“ გააგრძელებს.

„ანაკლიის ღრმაწყლოვანი პორტის მშენებლობა ახალ ფაზაში გადადის. გარდა იმისა, რომ იწყება საქართველოსთვის უპრეცედენტო მასშტაბის საზღვაო –სანაპირო სამუშაოები, ამავე დროს ჩვენ საერთაშორისო პარტნიორებთან ხარისხობრივად ურთიერთობის ახალ ეტაპზეც გადავდივართ. „საუკუნის პროექტისთვის“ გამორჩეული პროფესიონალების გუნდის შექმნის პროცესი გრძელდება და მოხარულნი ვართ, რომ ამ მნიშვნელოვან მიმართულებას ამიერიდან გამოცდილი დიპლომატი და სახელმწიფო მოღვაწე თედო ჯაფარიძე უხელმძღვალენელებს“, – განაცხადა „ანაკლიის განვითარების კონსორციუმის“ დამფუძნებელმა მამუკა ხაზარაძემ.

საქართველოს მთავრობის ადმინისტრაციაში აცხადებენ, რომ ჯაფარიძემ თანამდებობა საკუთარი სურვილით დატოვა.