შემთხვევა ხულოში, სხალთის ეპარქიაში მოხდა, სადაც ორი ეკლესია გაქურდეს. გავრცელებული ინფორმაციით, ყოვლადწმიდა ღვთისმშობლის ხარების და წმიდა ანდრია პირველწოდებულის ტაძრებში დაუდგენელი პირები ფანჯრიდან გადავიდნენ და შესაწირი ყუთები წაიღეს. მომხდარზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს. დაკავებული ჯერჯერობით არავინაა.